嗯,水逆嘛,所以 —
今晚有點心聲想要發表!
以下係本人作為專業女巫呢一年嚟既感受呢,
有興趣可以睇下喔,我地一齊嚟回顧我地既呢一年吧 :D。
一年前,即係上年既四月!
女巫研究所正式成立了呢。
嘛,當初點解會想正式咁樣營業,
其實係因為寂寞呢。
果時我自己一個搬左出嚟住,
除左返工放工溫習巫術之外,
基本上無乜其他既嘢做呢。
而我又好喜歡為其他人服務嘛,都做左算命八年了,疫情影響之下令我無地方見委托人,
就萌生起「不如我自己租個地方見客吧>:3?」咁樣既想法。
然後!
向男朋友大人既推動(逼迫)下,一個禮拜後女巫研究所就成立了。
諗返轉頭都覺得一切都好不可思議呢。
我知道從營商既角度嚟睇,我向經營女巫研究所上面實在係談唔上傾盡全力。
最多只係叫做「最近比較做多左嘢。」
但畢竟,我本來就唔係打算用女巫研究所嚟賺大錢既呢!
我本來只係想要有個平台可以盡情地發佈我既巫術成果>:D!
哇哈哈哈哈哈哈。
不過有時候望住帳簿都係會擔心啦...。
嘿嘿,不過誠蒙大家既支持同照顧,女巫研究所總係可以渡過每一個月既赤字危機呢>:D!
我唔係做生意既天才,我亦都唔希望自己成為一個眼中只有住利益、計算既人。
我只係單純地,非常喜愛魔法。
而我無打算改變自己呢。
錢,我覺得足夠就好了呢。
所以女巫研究所既方針,仍然會係不變的:
我地係一個提供比所有人、可以接觸到全面、系統性、正確既魔法及巫術知識既來源。
我地同時係受傷既人既庇護所、治療所。
亦都係為迷失者提供指引既燈塔,更係懷抱住慾望既人既許願池。
我知道大家好多時都會用可惜既眼神望住我,覺得以我既才華,我可以賺更多既錢。
對於我經營既手法都有好多質疑同批評,只係錢唔會令我開心唷。
我亦都唔認同,人既價值同能力,係同佢既賺錢能力成正比。
因為每個人都有佢自己要行既人生之路,有佢既經歷既課題、考驗、同祝福呢!
而我都逐漸摸清楚我自己既前路應該係點了呢。
有天賦既人就應該運用自己既才華去為世界帶來改變,同時,唔努力既天才同凡人係無分別既呢。
雖然,魔法同巫術係無比較性,巫師之間都唔應該、唔鼓勵競爭。
但我始終,都係睇唔過眼現今命理、巫術行業既景象。
我覺得實在太多招搖撞騙,為行業添上污名既大神棍了。
而咁樣為好多人帶來左傷害呢。
從欠缺知識、溝通技巧以及同理心既算命、占卜從業者、到未完成女巫修行、初始立誓儀式就自稱自己係女巫或巫師既人,一心只諗住賺錢既人。
向我既角度嚟睇,我覺得佢地好多只係唔想要透過努力、勞力賺錢,然後揀一個輕鬆又好似可以賺到好多錢、感覺又充滿權力既職業嚟做罷了。
我從心底睇唔起大部分宜家自稱自己係女巫同巫師既同業者喔,亦都睇唔起好多自稱自己係占卜師既人喔。
魔法,係會成真既呢。
占卜、預測未來,都係魔法既一種。
處理不當,我地可能為委托人既未來蒙上陰影。
我係想要問下咁多位同業者何德何能、經歷左咩嘢所以勝任呢一個擁有極大權力既職業呢?
呢一個職業,並唔係任何人都適合的,更加唔係你想做就做到。
我好希望,大家向投身呢個行業之前,真係諗清楚。
我既輕鬆、自在、從容,全部都係經歷痛苦、磨練、考驗、學習所得嚟既呢。
唔好要我,一個一個拆穿你地虛假既謊言呢一步喔。
到時候,我絕對會不留情面地將你所有既大話都刺穿呢。
畢竟,我對巫術既愛就係如此瘋狂。
我會捍衛我所深愛既巫術、同時都會孕育及照顧巫術既成長,直至巫術被大家接受為止。
我想要被稱為:「果個為巫術帶來重大貢獻既女人」
未來既一年,希望可以製作多啲魔法產品,咁樣除左提供諮詢建議之外,我仲可以利用魔法為大家真正咁樣解決問題、實現願望呢!
我對自己既目標係,向未來一年入面能夠順利咁樣提供常駐魔法產品,咁大家無論向咩嘢時候、經歷緊咩嘢既情況,向女巫研究所都會得到適切既幫助!
有啲似大家既巫術醫生呢!
嘿嘿,繼續努力吧。
我真係一個貪得無厭既女人呢。
:D